ممارسة السكوات لزيادة الوزن او النقصان
بزااااف بنات ضايعة بين سكوات #التكبير وسكوات #التصغير فالأول حبيت نقول بلي السكوات هو تمرين خاص بعضلات الجسم السفلية وعندو تأثير كبير على عضلات الارداف والمؤخرة وكاين 4 نقاط تصنع الفرق بين التكبير والتصغير وهي #الوقت و #الاثقال و #السرعة و #البروتين وباش نتفاداو الأخطاء والغلطات حانبدى بالشوية باش تفهموني ملييييح
نبداو بسكوات التكبير: نديروه نهار ونريحوا نهار علاش لانو حنا رانا مركزين على عضلات معينة في منطقة وحدة لازم نهار نشد العضلة بالسكوات ونهار نتركها ترتاح باش تتمدد وتكبر هادا يسموه استشفاء العضلة تبعو معايا رانا نهدرو على لي حابة تكبر العضلة ... نشد يوم ونريح يوم لتفادي التمزق أيضا... مفهوم لحد الآن
وقت التمرين يكون من الأحسن قبل النوم بساعتين أو أي وقت في اليوم إلا الصباح علاش لأنو الصباح يكون الحرق عالي جدا لان الجسم يحتاج طاقة للرياضة ولأن المعدة فارغة يأخذ الطاقة من مخزون الدهون بالجسم وبالتالي يحرق دهن المناطق اللي ديرلها الحركات وهذا الوقت مايخدمش للي حاب يزيد هاذا الوقت يساعد بزاف للي حاب ينقص .. وبالتالي عندنا معلومة هنا هي أنو لي حابة تنقص الجوانب والخصر والبطن والذراعين دير تمارينها الصباح والسكوات العشية
الأثقال ضرورية جدا في التكبير لاننا نريد بناء عضلة يجب شدها بطريقة قوية تكون الكتلة صغيرة فالأول 1 kg واش متوفر عندك فالبيت مشي شرط تتكلفي وتشري لي ماعندهاش يا ربي لوكان باطة كسكس نتاع كيلو أو روز أو قرعة ما تاع 1لتر اي شي المهم يكون 2 اثقال متساوية وتبدى تكبر لتفادي التمزق العضلي وكل ماتفوت مدة 15 يوم او حتى شهر عندما تحسين انك أصبحت قادرة على حمل وزن أكبر زيدي كيلو
ملاحظة المبتدئين يمارسو التمرين دون اوزان حتى يتأقلم الجسم تاعهم على التمرين
السرعة مهمة جدا وسر من أسرار السكوات السرعة في تمارين التكبير تكون بطيييئة يعني ديريها ببطء لنعطي العضلة وقت تنشد وتتمد حنا لازمنا تتمدد باش تكبر مالزمناش سرعة لأن السرعة تحرق الدهون وتصغر وحنا نحتاجوا نزيدو و تاني نحذركم مالسرعة لانو هاذ التمرين ادا ماركزتيش ودرتيه صح راح يخلفلك اصابات ( وهذا راح ندير عليه منشور نفهمكم فالحركات بالتدقيق باه تتفاداو الاخطاء )
البروتين: أساسي جدا في سكوات التكبير هو لا يكبر هو يساعد في بناء العضلة وبروتين طبيعي مشي اصطناعي لانو الاصطناعي ماتقدروش تاكلوه حتى بعد 6 أشهر من التمرين المكثف ويستعملوه الرياضيين ..وانا ننصحكم تتفاداوه خلاص وتعتامدو على البروتين الطبيعي
السكوات نبدى بثلاث جولات كل جولة 15 إلى 20 مرة بين الجولة والجولة 30 ثانية متفوتوهاش
مثال باش تفهموا إذا بديت ب15 ندير 15 ونريح 30 ثانية ونزيد 15 ونريح 30 ثانية ونزيد 15 والمرة الجاية نزيد 3 نبداو نطلعوا غي بشوية
أو إذا كنتوا راح تديروا اكتر من تمرين ديروا 8/8/8/8 كامل تعرفوها يعني ديروا 8 ممبعد ريحوا 30 ثانية ممبعد 8 ممبعد ريحوا ممبعد 8 وبدلوا التمرين وهكذا
نتمنى نكون فدتكم وعرفتوا الفرق بين سكوات التصغير والتكبير 👉
هاد التمارين اللي حطيتهم هوما للزيادة المؤخرة و الارداف و بناء العضلة النائمة (هاد الموضوع را نحطو من بعد ) اعتامدو على هاد التمارين تعطيكم نتيجة مليحة بزاااف وديروهم بالترتيب كيما راهم مرقمين
#ملاحظة_لازم_تلبسي_في_رجليك_حذاء_رياضي باش يساعدكم فالتوازن
ادعولي لبنات ربي يحققلي مافي قلبي هادا مانتمنا منكم
تعليقات
إرسال تعليق